Azərbaycan millisi 5 oyundur qol vura bilmir.

Apasport.az saytının məlumatına görə, sabah Portuqaliya ilə üz-üzə gələcək yığmamızın qol həsrəti 511 dəqiqədir davam edir.

Sonuncu qola Maksim Medvedev imza atıb. O, ötən il sentyabrın 8-də Kiprlə Nikosiyadakı görüşdə fərqlənib.

Müdafiəçinin 29-cu dəqiqədəki qolu 1:0 hesablı qələbə üçün yetərli olub. Ardınca Monteneqroya 0:2 hesabı ilə uduzan milli ötən ili ardıcıl 4 qolsuz heç-heçə ilə tamamlayıb.

Kipr, Sloveniya, Monteneqro və Lüksemburqla qarşılaşmalarda eyni – 0:0 hesabı qeydə alınıb. Bir sözlə, 5 matçdır qol vurmayan yığma 4 oyundur özü də top buraxmır.

Sonuncu dəfə oktyabrın 10-da qapısında qol görən millini İqor İvanoviç məyus edib. Monteneqrolunun qolundan sonra yığma 379 dəqiqəlik quru seriyaya malikdir.
 

• “Fənərbaxça”nın sükanı keçmiş ulduzuna həvalə edildi – RƏSMİ
• Sergen Yalçınla futbolçular arasında problem var? – TFF-dən ikinci açıqlama
• "Fənərbaxça"dan Messiyə fantastik təklif – İllik 50 milyon avro!
• İkardi “İnter”ə qayıtmaq istəyir – “Bu hekayə bitməyib”
• Derbinin cəzaları açıqlandı – “Qalatasaray” və “Fənərbaxça”ya ağır zərbə