“Barselona” qış transfer dönəmində yeni oyunçu almayacaq.

Apasport.az saytının məlumatına görə, bunu İspaniya klubunun prezidenti Joan Laporta açıqlayıb.

O bildirib ki, hazırkı heyət mövsümü uğurlu yekunlaşdırmaq üçün kifayətdir: “Çox rəqabətli heyətimiz var. Futbolçularımızın əksəriyyəti dünya çempionatına yollanıb. Bu da Xavinin əla iş gördüyünün sübutudur. Qeyri-adi bir hadisə ilə üzləşməsək, yanvarda transfer etməyəcəyik. Hazırda yeni oyunçuya ehtiyacımız yoxdur. Çempionlar Liqasındakı uğursuzluğa baxmayaraq, bu mövsümün nəticələrindən razıyıq”.

Qeyd edək ki, Avropa Liqasının pley-off mərhələsində “Mançester Yunayted”lə qarşılaşacaq “Barselona” hazırda La Liqada turnir cədvəlinə liderlik edir.
 

• Tuxeldən sürpriz qərar – 16 yaşlı “Arsenal”lı İngiltərə millisinə qoşula bilər
• “Qalatasaray”a Osimhen müjdəsi – Qayıdacağı tarix bəlli oldu
• “Mançester Yunayted” Premyer Liqadan müdafiəçi seçdi
• “Mançester Yunayted” Premyer Liqada sonuncudur – Şok statistika
• Zidan Fransa millisində ilk məşqini keçirdi – Debüt Türkiyəyə qarşı olacaq