“Liverpul” yarımmüdafiəçisi Stefan Bayçetiçlə yollarını ayırıb.
Apasport.az xəbər verir ki, 21 yaşlı futbolçu İspaniyanın “Selta” klubuna birdəfəlik transfer olunub.
Bu barədə İngiltərə təmsilçisinin rəsmi saytı məlumat yayıb.
Bayçetiç bununla da 5 il yarımdan sonra yetirməsi olduğu “Selta”ya qayıdıb. O, 2021-ci ilin fevralında Viqo klubundan “Liverpul”a keçmişdi.
İspaniyalı yarımmüdafiəçi “Liverpul”un əsas komandasında 22 oyuna çıxıb və 1 qol vurub. O, 17 yaşında Yurgen Kloppun rəhbərliyi altında Premyer Liqada “Bornmut”la 9:0 hesabı ilə başa çatan matçda debüt edib.
Bayçetiç 2024/2025 mövsümünü icarə əsasında “Zalsburq” və “Las Palmas”da keçirib. O, həmin mövsüm ümumilikdə 33 matçda meydana çıxıb.
Qeyd edək ki, zədələr səbəbindən Bayçetiç 2025/2026 mövsümündə rəsmi oyunda iştirak etməyib.
Oxşar xəbərlər
Ana səhifə
Bütün xəbərlər