Avropa Liqasının finalında “Reyncers”i məğlub edən (1:1, pen.5:4) “Ayntraxt” bir qələbə ilə iki vəsiqə qazanıb.

Apasport.az saytının məlumatına görə, Almaniya klubu UEFA Superkubokunda mübarizə aparacaq.

Frankfurt klubunun rəqibi “Liverpul” – “Real” matçında müəyyənləşəcək. Bu qarşılaşma avqustun 10-da Finlandiyanın paytaxtı Helsinkidəki Olimpiya stadionunda keçiriləcək.

“Ayntraxt” həm də Çempionlar Liqasında oynayacaq. Bundesliqada “onluğ”a belə düşə bilməyən frankfurtlular qitənin ən nüfuzlu klub turnirinin qrupunun püşkatmasında 1-ci səbətdə yer alacaq.

“Ayntraxt” həm Superkubok, həm Çempionlar Liqasının yeni formatında ilk dəfə oynayacaq. Almaniya klubu indiyədək bu turnirlərin heç birində oynamayıb. Frankfurtlular Çempionlar kubokunda oynasa da, 1992-ci ildən indiki adla olan turnirə çıxa bilməyib.

• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi
• Ferhat Gündoğdu hakimi hədələyib: "Ya adam ol, ya da çıx get"
• Türkiyə futbolunda skandal davam edir: YASİN KOL SAXLANILDI
• Messi İspaniyada daha bir klub aldı – “Eldense”nin sahibi oldu