PSV-nin yarımmüdafiəçisi Mario Götze İtaliyaya köçə bilər.

Apasport.az saytının məlumatına görə, 30 yaşlı futbolçunun xidmətində “Milan” maraqlıdır.

İtaliya çempionunun nümayəndələri Almaniya millisinin sabiq üzvünün meneceri ilə danışıqlar aparır. Götzeni əvvəllər PSV-yə rəhbərlik edən, hazırda “Benfika”nın sükanı arxasında olan Roce Şmidt də sərəncamında görmək niyyətindədir.

Pleymeykerin Niderland təmsilçisi ilə müqavilə müddəti 2024-cü ilə qədərdir. Onun transferi təxminən 4-5 milyon avro məbləğində təzminat tələb edir.

Qeyd edək ki, Mario Götze ötən mövsüm çempionatın 29 oyununda 4 qol vurub, 4 məhsuldar ötürmə verib.

• A Seriyasında ayın ən yaxşı oyunçusu bəlli olub
• Nasser çağırdı, 138 üzv səs verdi: Dursun Özbek idarə heyətinə seçildi
• Sanço qərarını verdi – Yeni klub üçün qışa qədər gözləyəcək
• 15 klub razılaşsa, “Mançester Siti” Premyer Liqadan gedəcək
• Sanki Ronaldonun gedişini gözləyirdilər – “7 nömrə” Leaoya verildi