Argentina millisinin futbolçusu Rodriqo De Paul DÇ-2026-nın Əlcəzairlə oyunundan sonra Lionel Messi barədə maraqlı açıqlama verib.

Apasport.az xəbər verir ki, yarımmüdafiəçi komanda yoldaşının fərdi rekordların arxasınca qaçmadığını bildirib.

De Paul Messinin yalnız komandanın uğurunu düşündüyünü deyib:

“And içirəm ki, rekordlar Messinin heç vecinə də deyil. O, fərdi rekordların arxasınca qaçmır. Hətta otaqda çay içərkən onunla zarafat edirik. ‘1-2 qolun qalıb’ deyirik. Heç xəbəri belə yoxdur”.

Qeyd edək ki, Argentina DÇ-2026-nın qrup mərhələsində Əlcəzairə 3:0 hesabı ilə qalib gəlib.

Messi görüşdə het-trik edib və mundiallardakı qollarının sayını 16-ya çatdıraraq Miroslav Klozenin rekorduna şərik olub.

38 yaşlı futbolçu həm də Dünya Kuboku tarixində het-trik edən ən yaşlı oyunçu olub.

• “Barselona” Premyer Liqadan transferə hazırlaşır
• “Fənərbaxça”dan “Qalatasaray”a sərt ittihamlar – Derbidə qalmaqal
• Mbappenin zarafatı baha başa gəldi – Sponsorlarını itirdi, La Liqa yayımları dayandırıldı
• “Fənərbaxça”nın dördüncü forması bəlli oldu – FOTO
• “Qalatasaray”da derbi qələbəsinə görə 2,5 milyon avroluq mükafat