"Hull"un rəqibi bəlli oldu: "Sauthempton" finalda

13.05.2026 - 08:39

İngiltərə Çempionşip pley-offunun növbəti finalçısı bəlli olub.

Apasport.az xəbər verir ki, yarımfinal mərhələsinin ikinci cütünün cavab oyununda "Sauthempton" doğma meydanda "Midlsboro"nu qəbul edib.

İlk matçda 0:0 bərabərə qalan komandaların ikinci matçında da əsas vaxtda qalib müəyyənləşməyib: 1:1.

Əlavə vaxtda daha bir qol vuran "Sauthempton" rəqibini məğlub etməyi bacarıb və adını finala yazdırıb.

Beləliklə, Premyer Liqaya vəsiqə uğrunda həlledici matçda "Hull Siti" və "Sauthempton" qarşı-qarşıya gələcək.

Final oyunu mayın 23-ü Londonda, "Uembli" stadionunda baş tutacaq.

0 0