"Mançester Yunayted"in yarımmüdafiəçisi Kazemironun taleyinə aydınlıq gəlib.

Apasport.az xəbər verir ki, o, komandanı tərk etməyi düşünmür. 

Orta sahə oyunçusu son zamanlardakı uğursuz çıxışına baxmayaraq klubda qalmaq və heyətdəki yeri uğrunda mübarizə aparmaq əzmindədir.

İngiltərə mətbuatında yayılan xəbərlərə görə, braziliyalı futbolçu transfer pəncərəsi bağlanana qədər "Qalatasaray"ın transfer təklifini rədd edəcək.

Qeyd edək ki, Kazemiro "Liverpul"la matçda (0:3) "qırmızı şeytanlar"ın buraxdığı iki qolda səbəbkar olub. O, nəticədə oyunun fasiləsində əvəzlənib. 

Xatırladaq ki, yarımmüdafiəçi ötən mövsüm komandanın heyətində 32 oyun keçirib, 5 qol vurub və 3 məhsuldar ötürmə verib.

• DÇ-2026: Şotlandiya millisinin heyəti bəlli oldu: Robertson və dostları sürpriz axtarışında
• DÇ-2026: Heyətdə tanış adlar: Bakambu, Banza, Masuaku
• DÇ-2026: Avstriya millisinin heyəti bəlli oldu
• Qvardiola gedir, keçmiş köməkçisi gəlir: “Siti”də yeni dövr
• “Kayserispor” Baxçalıya məruzə etdi: "Liqanın nəticələri təsdiqlənməsin"