İtaliya A Seriyasında futbolçuların bazar qiymətləri yenilənib.
Apasport.az xəbər verir ki, yeni qiymətləndirmə ilə Türkiyənin ən bahalı futbolçuları siyahısında yenilik olub.
Digər tərəfdən, "Qalatasaray"dan "Atalanta"ya icarəyə verilən Zaniolo və "sarı-qırmızılılar"ın gündəmində olan Paulo Dibalanın bazar qiymətlərindəki dəyişiklik də diqqət çəkib.
Çapraz bağ zədəsi səbəbindən mövsümü erkən başa vuran "Torino"nun türk futbolçusu Emirhan İlkhan 500 min avro dəyər itirib. Gənc futbolçunun yeni dəyəri 2,5 milyon avrodur.
“Roma”da çıxış edən Zeki Çelikin bazar dəyəri 1 milyon avro azalaraq 5 milyon olub.
Arda Güler ilə birlikdə Türkiyənin ən bahalı futbolçuları siyahısında ilk sırada olan Hakan Çalhanoğlu 5 milyon avro dəyər itirib. 30 yaşlı futbolçunun dəyəri 40 milyon avroya düşüb və o, Arda Gülerlə paylaşdığı ən bahalı türk futbolçusu ünvanını itirib.
Yeni qiymətləndirmədən sonra Türkiyə millisinin daha bir ulduzu Çalhanoğlunun yerinə Arda ilə birinci yeri paylaşıb. Kenan Yıldızın dəyəri 5 milyon avro artıb və 45 milyon avroluq yeni dəyəri ilə zirvədə Hakanı əvəzləyib.
Həmçinin "Qalatasaray"ın transfer siyahısında olan Paulo Dibalanın bazar dəyəri 4 milyon avro zərərlə 8 milyon avroya düşüb.
"Qalatasaray"ın "Atalanta"ya icarəyə verdiyi Nikola Zaniolo da dəyərini itirən futbolçular arasında olub. 2 milyon avro "ucuzlaşan" Zaniolonun yeni qiyməti 18 milyon avro oldu.
Oxşar xəbərlər
Ana səhifə
Bütün xəbərlər
Hesabım