İtaliyanın "Milan" klubunun baş məşqçisi Serxio Konseysao 5 aydan sonra komandanı tərk edib.

Apasport.az xəbər verir ki, bu barədə klubun rəsmi saytı məlumat yayıb.

Portuqaliyalı mütəxəssis "rossoneri"nin sükanı arxasında 31 matç keçirib. Onlardan 16-sı qələbə, 5-i heç-heçə, 10-u isə məğlubiyyətlə başa çatıb.

Konseysaonun yetirmələri çempionatda cari mövsümü 8-ci yerdə başa vurub, Superkuboku qazanıb və ölkə kubokunun finalında “Bolonya”ya uduzub.

Konseysaonu əvəz etməyə əsas namizəd Massimiliano Alleqridir. Onun İtaliya təmsilçisi ilə yaxın günlərdə 2 illik müqavilə imzalayacağı gözlənilir.

• Bundesliqanı Premyer Liqaya dəyişə bilər
• De Xea “Fiorentina” ilə müqavilə yeniləyib - RƏSMİ
• “Real”ın müdafiəçi komandanı tərk edib - RƏSMİ
• Niderland millisinin üzvü “Liverpul”da - RƏSMİ
• Ceko “Fənər”lə vidalaşdı - VİDEO