Azərbaycanlı FIFA referisi Əliyar Ağayev Yunanıstanda növbəti dəfə iş başında olub.

Apasport.az saytının məlumatına görə, 35 yaşlı hakim Yunanıstan Futbol Federasiyasının dəvəti ilə Super Liqanın çempionluq qrupuna aid olan “Panatinaikos” – “Aris” oyununu idarə edib.

Pley-offun VI turuna təsadüf edən Afinadakı qarşılaşmanın taleyini 1 qol həll edib. “Panatinaikos” 28-ci dəqiqədə vurduğu yeganə topla matçdan qalib ayrılıb. Ağayev görüşün 45-ci dəqiqəsində “Aris”in hücumçusu Abunakar Kamaranı ikinci sarı vərəqə ilə meydandan qovub. Həmyerlimiz qırmızı ilə yanaşı, ev sahiblərinin 4, qonaqların isə 2 oyunçusuna sarı vərəqə göstərib.

Qeyd edək ki, “Panatinaikos” hazırda 54 xalla 3-cü, “Aris” isə 53 xalla 4-cü pillədə qərarlaşır.

• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”