Con Duranı heyətinə qatan “Fənərbaxça” daha bir transferini reallaşdırmaq üzrədir.

Apasport.az xəbər verir ki, “sarı-lacivərdlilər” ötən mövsümün ikinci yarısını icarə əsasında komandada keçirmiş Milan Şkrinyarı heyətinə qatmağa çox yaxındır.

İstanbul təmsilçisi bu keçid üçün futbolçunun məxsus olduğu klub – PSJ-yə bonuslarla birlikdə 12 milyon avro ödəyəcək.

“Fənər”lə üç illik razılaşma əldə edən 30 yaşlı müdafiəçi illik 9 milyon avro məvacib qazanacaq.

Qeyd edək ki, Slovakiya millisinin üzvü olan Şkrinyarla ötən mövsüm A Seriyasının çempionu “Napoli” də yaxından maraqlanırdı.

• Luis Diaz “Bavariya”ya "yaşıl işıq" yandırdı
• Rakitiç karyerasını başa vurub - VİDEO
• Viyera Vardiyə “yox” dedi
• Messi yenidən Ronaldoya rəqib ola bilər
• Niderlandlı futbolçu “Napoli” yolunda