Son 2 mövsümün çempionu "Qalatasaray" Türkiyə Superliqasının 2024-2025 mövsümünün ilk matçında "Hatayspor"u qəbul edib .

Apasport.az xəbər verir ki, "RAMS Park"da keçirilən qarşılaşmada ev sahibləri 2:1 hesabı ilə qalib gəlib.

Qonaq komanda 52-ci dəqiqədə Coelsonla önə keçib. "Qalatasaray" 80-ci dəqiqədə Mauro İkardinin penaltidən vurduğu qolla hesabı bərabərləşdirib.

Əsas vaxtın son dəqiqəsində isə "aslanlar"ın yeni transfer Mişi Batşuayi səhnəyə çıxıb. Belçikalı ulduz topu başla qapıdan keçirərək komandasına qələbə qazandırıb. 

Superliqanın 2-ci həftəsində "Qalatasaray" səfərdə "Konyaspor"la qarşılaşacaq. "Hatayspor" isə "Kasımpaşa"nın qonağı olacaq.

• “Arsenal”dan “Əl-Hilal”a - KLUB TARİXİNİN ƏN BAHALI SATIŞI
• Argentinada Messiyə xüsusi jest – Oyunlar 10-cu dəqiqədə dayandırılacaq
• Ançelotti "Real"ın düşərgəsini ziyarət etdi
• Bosniya futbolunda bir dövr başa çatır – Edin Cekonun son matçı
• Obameyanq hökumətin tənqidindən sonra millidən getdi – “Bu, son damla oldu”