"Real" Modriçin əvəzləyicisi üçün 100 milyon ödəyə bilər
02.06.2025 - 13:54
"İnter"də çıxış edən italiyalı yarımmüdafiəçi Nikolo Barella İspaniya çempionatına keçə bilər.
Apasport.az xəbər verir ki, bu barədə "Todofichajes" portalı məlumat yayıb.
Mənbənin məlumatına görə, "Real Madrid" yarımmüdafiəçini transfer etməkdə maraqlıdır.
"Kral klub"u 28 yaşlı futbolçunu komandadan ayrılan Luka Modriçin əvəzləyicisi kimi görür.
Barellanın "neradzurri" ilə 2029-cu ilin iyunun sonuna qədər müqaviləsi var. "İnter" italiyalının transferi üçün təxminən 100 milyon avro tələb edir.
Qeyd edək ki, ötən mövsüm A Seriyasında Nikolo 33 oyun keçirib, 3 qol vurub və 6 məhsuldar ötürmə edib.
Oxşar xəbərlər
Ana səhifə
Bütün xəbərlər