4 iyul 2004 – Futbol tarixində bu gün nadir hallarda şahid olunan hadisələrdən biri baş verdi.
Apasport.az xəbər verir ki, Yunanıstan milli komandası, UEFA Avropa Çempionatının finalında ev sahibi Portuqaliyanı 1:0 hesabı ilə məğlub edərək ilk dəfə Avropa çempionu oldu.
Final oyunu Portuqaliyanın Lissabon şəhərində, "Da Luz" stadionunda keçirildi. Matçın yeganə və həlledici qolunu Yunanıstan millisinin hücumçusu Angelos Charisteas vurub.
Turnir boyunca müdafiə və taktiki intizama əsaslanan oyun tərzi ilə diqqət çəkən Yunanıstan, ardıcıl olaraq Fransa, Çexiya və Portuqaliya kimi güclü rəqibləri mübarizədən kənarlaşdıraraq futbolda “möcüzə” sayılacaq uğura imza atdı.
Komandanın baş məşqçisi, almaniyalı Otto Rehhagel, bu uğurun memarı sayılır. O, turnir öncəsi favoritlər sırasında belə yer almayan Yunanıstanı Avropa zirvəsinə çıxardı.
Bu nəticə ilə Yunanıstan, UEFA Avropa Çempionatını qazanan IX ölkə oldu və futbol tarixində ən böyük sürprizlərdən birinə imza atdı.
Oxşar xəbərlər
Ana səhifə
Bütün xəbərlər