"Mançester Yunayted" kapitanı Bruno Fernandeşi komandada saxlamağa hazırlaşır.

Apasport.az xəbər verir ki, bu barədə Portuqaliyanın A Bola nəşri məlumat yayıb.

Mənbənin iddiasına görə, Premyer Liqa təmsilçisi yaxın vaxtlarda portuqaliyalı yarımmüdafiəçinin komandada qalacağını rəsmən açıqlayacaq. Bununla yanaşı, 31 yaşlı futbolçunun maaşında da artım ediləcək.

Bildirilir ki, yeni maliyyə şərtlərinə əsasən Bruno Fernandeş "Mançester Yunayted"in heyətində ən yüksək əməkhaqqı alan futbolçu olacaq.

Qeyd edək ki, Bruno Fernandeş 2020-ci ilin yanvarından "Mançester Yunayted"in formasını geyinir. O, ötən mövsüm bütün turnirlərdə 57 oyunda meydana çıxaraq 21 qol vurub və 19 məhsuldar ötürmə verib.

• "Fənərbaxça"da kütləvi istefa – Növbədənkənar seçki keçiriləcək
• Adeyemi "Barselona"da – Rəsmi
• Ceff Bezos "Liverpul"a ortaq ola bilər – Nəhəng sərmayə planı
• "Qarabağ", "Zirə" və "Beşiktaş"ın oyunları bu kanallarda - TV AFİŞA
• Oliseyə xəbərdarlıq – "Evi dərhal boşalt"