Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunları çərçivəsində ağırlıqqaldırma yarışları davam edir.

Apasport.az saytının turnirə ezam olunan əməkdaşı xəbər verir ki, birdən qaldırma hərəkətində 65 kq nəticə göstərərək üçüncü yeri tutan Nuray Əbilova daha iki bürünc medal qazanıb.

15 yaşlı idmançımız təkanla qaldırma hərəkətində 79 kq nəticə göstərib. Beləliklə, ümumilikdə 144 kq çəkini başı üzərinə qaldıran Nuray Əbilova yarışı 3 bürünc medalla başa vurub.

***
14:40

Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunları davam edir.

Apasport.az saytının turnirə ezam olunan əməkdaşı xəbər verir ki, bu gün ağırlıqqaldırma yarışlarına start verilib.

48 kq çəki dərəcəsində çıxış edən Nuray Əbilova bürünc medal qazanıb.

Rəqiblərindən yaşca kiçik olan idmançımız birdən qaldırma hərəkətində 65 kq nəticə göstərərək üçüncü yeri tutub.

• Türkiyəli atlet: "İlham Əliyevə və Azərbaycan xalqına təşəkkür edirəm"
• İsa Rüstəmov İslamiadada üç medal qazandı - FOTO
• Nuray Əbilova: “Ən böyük hədəfim Olimpiya çempionu olmaqdır”
• Firdovsi Umudov: “Uğurlu nəticələrimizin davamı gələcək”
• Azərbaycan Atletika Federasiyasının rəhbərliyi “World Athletics”də