Ağırlıqqaldırma üzrə U-15 və yeniyetmələr arasında Azərbaycan birinciliyinə yekun vurulub.

Apasport.az xəbər verir ki, Şüvəlanda yerləşən Ağırlıqqaldırma Akademiyasında təşkil olunan yarışda daha 4 çəki dərəcəsi üzrə qaliblər müəyyənləşib.  

67 kq çəki dərəcəsində Hikmət Məhərrəmov toplamda 203 kq (85 kq+ 118 kq) nəticə ilə 15 yaşlılar arasında fəxri kürsünün ən yüksək pilləsinə yüksəlib. Lətif Əliyev isə 73 kq çəki dərəcəsində toplamda 205 kq (95 kq + 110 kq) nəticə ilə birinci olub. 

Yeniyetmələrin yarışında isə 67 kq çəki dərəcəsində Kamran Xappayev toplamda 235 kq (108 kq + 127 kq) nəticə ilə qalib adını qazanıb. Əbdülhüseyn Hüseynov isə 73 kq çəki dərəcəsində toplamda 241 kq (108 kq + 133 kq) nəticə ilə qalib adını qazanıb.

• Almaniyalı mütəxəssis Azərbaycanın atletika məşqçiləri üçün seminar keçib
• Fəxrəddin Allahverdiyev Avropa birinciliyində 3 gümüş medal qazanıb
• Təmsilçimiz Avropa birinciliyində bürünc medal qazanıb
• Musab Məmmədtağıyev Avropa birinciliyində 3 qızıl medal qazandı
• İsa Hüseynov Avropa birinciliyində 3 bürünc medal qazanıb