“Milli komandamızın Avropa çempionatında uğurlu çıxış edəcəyinə inanıram”.

Apasport.az saytının məlumatına görə, bunu Türkiyə yığmasının sabiq kapitanı Arda Turan deyib.

Qış fasiləsində “Başakşəhər”dən ayrıldıqdan sonra heç bir klubda çıxış etməyən 33 yaşlı yarımmüdafiəçi Türkiyə millisinin qitə birinciliyindəki şanslarını dəyərləndirib. O, “ay-ulduzlular”ın qrup mərhələsinin iki oyununu Bakıda keçirməsini üstünlük hesab edib: “Azərbaycanda ev sahibi kimi iki oyun keçirəcəyik. Digər rəqib İtaliya isə seçmə mərhələdə 10 oyunun hamısında qələbə qazanmış komandadır. Fikrimcə, millimiz onlarla başabaş mübarizə apara bilər. Komandamızın uğurlu nəticələrlə xalqımızı sevindirəcəyinə inanıram”.

Qeyd edək ki, AVRO-2020-nin A qrupunda yer alan Türkiyə millisi iyunun 12-də İtaliya ilə Romada, ayın 17-də Uels, 21-də isə İsveçrə ilə Bakıda üz-üzə gələcək.
 

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək