“Bizim yığma özündən yaxşı komandalara qarşı fərqli oynayır. Motivasiya daha yüksək olur”.

Apasport.az saytının məlumatına görə, bunu Türkiyə Futbol Federasiyasının əsas milli komanda üzrə nümayəndəsi Səlim Soydan deyib.

Türkiyə yığmasının AVRO-2020 perspektivi barədə fikirlərini açıqlayan mütəxəssis “ay-ulduzlular”ın qrup mərhələsinin iki görüşünü Bakıda keçirməsinə də münasibət bildirib: “Matçların Bakıda keçirilməsi üstünlükdür. Öz meydanımızdakı kimi olacağıq. Azərbaycandakı görüşdə rəqiblər çox çətinlik çəkəcək. Fransada oynayanda da evimizdəki kimi idik. Yaxşı komandan olanda, tamaşaçı da oyuna gəlib izləyir. Biz böyük sayılan komandalarla başabaş oynayırıq. Bu da çox önəmlidir”.

Qeyd edək ki, A qrupunda İtaliya, İsveçrə və Uelslə rəqib olan türkiyəlilər son iki komanda ilə Bakı Olimpiya Stadionunda görüşəcək.

• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək
• Bakıda keçiriləcək "Alufar IRONMAN 70.3" triatlon yarışı çərçivəsində tədbirlərə start verilib
• Bakıda 18 yaşdan 80 yaşadək triatlonçular mübarizə aparacaq
• Yubiley Formula 1 Azərbaycan Qran-Prisi üçün yeni tribuna quraşdırılıb