“Psixoloji olaraq ilk turdan bu nəticəyə hazır idim”. 

APA-nın məlumatına görə, bunu Azərbaycan şahmatçısı Teymur Rəcəbov deyib. 

32 yaşlı qrossmeyster Rusiyanın Xanti-Mansiysk şəhərində keçirilən Dünya Kubokunun final matçında çinli Dinq Lirenlə ikinci görüşünü şərh edib. Turnirdə ilk məğlubiyyətini alan T. Rəcəbov bunun qarşıdakı görüşlərə təsir etməyəcəyi qənaətindədir: “Hər şey mümkündür. Sən istənilən an uduza bilərsən. Bu barədə xüsusi düşüncələrim yoxdur. Mən sadəcə olaraq ardıcıl oyunlara çıxıram. İtkilər olur, bu da şahmat həyatının bir parçasıdır”.

Qeyd edək ki, iki matçın nəticəsinə əsasən D. Lirenə 0,5:1,5 hesabı ilə uduzan T. Rəcəbov bu gün növbəti görüşün keçirəcək. Finalçılar klassik şahmatda 4 dəfə üz-üzə gələcəklər. 

• “IRONMAN 70.3”: Bakının bəzi yollarında nəqliyyatın hərəkəti tənzimlənəcək
• Bakıda keçiriləcək "Alufar IRONMAN 70.3" triatlon yarışı çərçivəsində tədbirlərə start verilib
• Bakıda 18 yaşdan 80 yaşadək triatlonçular mübarizə aparacaq
• Yubiley Formula 1 Azərbaycan Qran-Prisi üçün yeni tribuna quraşdırılıb
• Azərbaycan kikboksçusu 2 il müddətinə diskvalifikasiya olunub