“Bu qərarın gözlənilməz olduğunu deməzdim. Müsbət nəticəyə heç kim ümid etmirdi”.

Apasport.az saytının məlumatına görə, bunu atletika üzrə ikiqat Olimpiya çempionu Yelena İsinbayeva deyib.

Rusiyalı idman veteranı Ümumdünya Antidopinq Agentliyinin (WADA) qərarına münasibət bildirib. Y.İsinbayeva Rusiya idmançılarına 4 il müddətində Olimpiya Oyunları və dünya çempionatlarında öz bayrağı altında çıxış etmək qadağasını haqsız hesab edib: “Çünki iki həftədir mətbuata yazılar sızdırılırdı. Sanksiyalar sərt, ədalətsiz və Rusiya idmanı üçün öldürücüdür. Hər şeyi belə qəbul edəcəyimizi, yoxsa İdman Arbitraj Məhkəməsinə müraciət edəcəyimizə kollektiv şəkildə qərar verəcəyik. WADA-nın idmançılar komissiyası bütün rusiyalı atletləri kollektiv şəkildə yarışdan kənarlaşdırmağa və Tokioya heç bir təmsilçimizi buraxmamağa çağırış edirdi. Təmiz idmançılara neytral bayraq altında çıxış etməyə icazə verilməsinin onların hüquqlarını nə dərəcədə qoruduğunu demək çətindir”.
 

• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək
• Bakıda keçiriləcək "Alufar IRONMAN 70.3" triatlon yarışı çərçivəsində tədbirlərə start verilib
• Bakıda 18 yaşdan 80 yaşadək triatlonçular mübarizə aparacaq