Bakı. Mehman Süleymanov-APA-Sport. Azərbaycanın futzal üzrə FİFA hakimi Elçin Səmədli yeni təyinat alıb. “APA-Sport” agentliyinin AFFA-nın rəsmi saytına istinadən verdiyi məlumata görə, 38 yaşlı beynəlxalq dərəcəli hakim 21 yaşlı futzalçılardan ibarət yığma komandalar arasında Avropa çempionatının seçmə mərhələsinin oyunlarında idarəçilik edəcək. E.Səmədli Makedoniyada oktyabrın 10-dan 13-dək keçiriləcək 7-ci qrupunun görüşlərində ölkəmizi hakim qismində təmsil edəcək. Bu qrupda meydan sahibləri ilə yanaşı, Çexiya, Xorvatiya və Ermənistanın yığma komandaları çıxış edəcək. Müstəqillik dönəmində azərbaycanlı FİFA hakimi Xaqani Məmmədov Moskvada keçirilən “Birlik kuboku” turnirində bədnam qonşularımız olan ermənilərin oyununu idarə edib. Bu ildən FİFA hakimi statusunu daşıyan E.Səmədli UEFA bayrağı altında keçirilən yarışda Ermənistan yığmasının oyununu idarə edən ilk hakimimiz kimi tarixə düşə bilər.

• Anar Ələkbərov Beynəlxalq Avtomobil Federasiyasının Senatına üzv seçilib
• Azərbaycan Üzgüçülük Federasiyasında yeniliklər olub
• “Pool Nine Ball” üzrə Bakı şəhər çempionatı keçiriləcək
• Yevlax Olimpiya İdman Kompleksinə media-tur təşkil olunub
• İlham Əliyev Yevlax Olimpiya İdman Kompleksində görülmüş işlərlə tanış olub - YENİLƏNİB