Bakı. Kənan Həsənov-APA-Sport. Azərbaycan Şahmat Federasiyasının vitse-prezidenti Faiq Həsənov mayın 8-də Bolqarıstanın paytaxtı Sofiyada start götürəcək “M-Tel Masters” turnirinə dəvət alıb. “APA-Sport” agentliyinin məlumatına görə, həmyerlimiz ənənəvi xarakter daşıyan yarışda ispaniyalı baş hakim Xoakin Espejonun köməkçisi olacaq. Altı qrossmeysterin dairəvi sistemlə iki dövrədən ibarət birinciliyində milli komandamızın lideri Teymur Rəcəbovla yanaşı, mükafatlar uğrunda Veselin Topalov (Bolqarıstan), Vasili İvançuk (Ukrayna), Levon Aronyan (Ermənistan), İvan Çeparinov (Bolqarıstan) və Bu Xianqzi (Çin) mübarizə aparacaq. Turnirə mayın 18-də yekun vurulacaq.

• Fiqurlu konkisürənimiz Qran-pridə 5-ci olub
• Beynəlxalq Olimpiya Komitəsinin rəsmisi Azərbaycana gəlib
• Azərbaycan idmançıları Gimnaziada üçün yola düşdü
• Azərbaycanda Beynəlxalq Xizək Alpinizmi Federasiyasının Plenar Assambleyası keçirilib - FOTO
• AKAF prezidenti və Çad Olimpiya Komitəsinin baş katibi arasında görüş keçirilib