Bakı. Kənan Həsənov-APA-Sport. Türkiyə həndbol Superliqasında 19-cu turun görüşləri keçirilib. “APA-Sport” agentliyinin məlumatına görə, Vadim Skreptsov, Eldar Fərəcov, Oleq və Sergey Georgiyevski qardaşlarının şərəfini qoruduğu “Trabzon Bələdiyyəsi” doğma meydanda “Polis Akademiyası”na qalib gələ bilməyib. Gərgin keçən matçda heç-heçə (35:35) qeydə alınıb. Trabzonluların qapısını qoruyan V.Skreptsovun oyunu iki, komandasının hesabına 21 xal yazdıran Georgiyevski qardaşları ilə E.Fərəcovun oyunu isə üç ulduzla qiymətləndirilib. Hesabında 20 xal olan “Trabzon Bələdiyyəsi” turnir cədvəlinin 7-ci pilləsində yer alıb. Valeri Porşkovun şərəfini qoruduğu “Beşiktaş” isə Superliqanın lideri “Mersin Yenişəhər Bələdiyyəsi” klubuna 31:25 hesabı ilə qalib gəlib. Əsas heyətdə mübarizə aparan həmyerlimizin oyunu iki ulduzla qiymətləndirilib. Hesabında 26 xal olan “Beşiktaş” turnir cədvəlinin 4-cü sırasında qərarlaşıb.

• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub
• İlham Əliyevin doğum gününə həsr olunmuş turnir keçirilib - FOTO