Quba. Aqşin Əliyev-APA-Sport. Taekvondo üzrə Azərbaycan yığması Avropa çempionatına son hazırlıq mərhələsini Quba Olimpiya Kompleksində keçir. Milli komandanın baş məşqçisi Ələkbər İmaməliyevin “APA-Sport” agentliyinə verdiyi məlumata görə, təlim-məşq toplanışında 15 kişi və 6 qadın idmançı iştirak edir. Taekvondoçular müxtəlif fiziki təmrinləri yerinə yetirməklə yanaşı, sparrinq döyüşlərdə də qüvvələrini sınayırlar. Ə.İmaməliyev bildirib ki, bu idmançılardan 14-ü qitə birinciliyinə aparılacaq. Təlim-məşq toplanışına aprelin 4-də yekun vurulacaq. Bundan iki gün sonra yığmamız Bakı-İstanbul-Roma reysi ilə Avropa çempionatının təşkil olunacağı İtaliyaya yollanacaq. Pekin olimpiadasından öncə ən böyük miqyaslı taekvondo yarışı olacaq qitə çempionatı 10-13 aprel aralığında baş tutacaq.

• Azərbaycanın fiqurlu konkisürəni ilk dəfə Avropa çempionatında iştirak edəcək
• ARMPK nümayəndə heyəti Özbəkistan Paralimpiya Komitəsinin qonağı olub - FOTO
• Prezident İslamiadada yüksək nəticə göstərmiş idmançıların mükafatlandırılmasına 1,9 milyon manat ayırıb
• Çingiz Hüseynzadə: “Azərbaycan İslamiada tarixinin ən zəif nəticəsini göstərib”
• İslam Oyunları: Azərbaycanın qılıncoynatma komandası finala yüksəlib