Bakı. Elşən Məmmədov-APA-Sport. Azərbaycanın qadınlardan ibarət güləş yığma komandasının üzvü Yuliya Radkeviç millidən uzaqlaşdırıla bilər. Bu haqda “APA-Sport” agentliyinə yığmamızın baş məşqçisi Nazim Əlicanov məlumat verib. Onun sözlərinə görə, belaruslu legioner artıq bir neçə aydır məşqlərə qatılmır. Səbəb 55 kq çəki dərəcəsində çıxış edən güləşçimizin böyrəyindən müalicə olunmasıdır. N.Əlicanov bildirib ki, 2007-ci ildə Bakıda keçirilən dünya çempionatında millimizə 2008-ci il Pekin Yay Olimpiya Oyunlarına lisenziya qazandıran Y.Radkeviç hazırda arzuolunan formasından xeyli uzaqdır: “Avropa çempionatında Yuliyanın çəkisində Alyona Komarovanı sınayacağıq. Əgər Komarova etimadımızı doğrultsa, Radkeviçin millimizdəki karyerası sual altına düşə bilər. Hər şalda, qəti qərarı qitə birinciliyindən sonra qəbul edəcəyik”.

• Milli Paralimpiya Komitəsinin 30 illiyi qeyd ediləcək
• Goranboy şəhəri “Gənclər Paytaxtı” seçilib - FOTO
• Azərbaycan Gənclərinin XI Forumunun ikinci günü Xankəndidə davam edib - FOTO
• Ülviyyə Axundova: “Azərbaycan Gənclərinin XI Forumu xüsusi əhəmiyyət daşıyır”
• Təmsilçimiz Andorradakı beynəlxalq turnirdə uğurlu çıxış edib