Elşən Məmmədov-APA-Sport. UEFA Çempionlar Liqasının (ÇL) ¼ final mərhələsinin startı verilib. “APA-Sport” agentliyinin məlumatına görə, ilk oyun günündə keçirilən hər iki qarşılaşmada qonaqlar qələbə qazanıblar. İtaliya vitse-çempionu “Roma” ötən mövsüm ÇL-in ¼ finalında 1:7 hesabı ilə uduzduğu “Mançester Yunayted”dən intiqam ala bilməyib. “Barselona” isə aparıcı futbolçuları Lionel Messi, Ronaldinyo və Dekunun zədə üzündən meydana çıxmadığı matçda “Şalke-04” üzərində qələbə qazanmağı bacarıb. İspaniyalılar elə oyunun əvvəllərindəcə gənc hücumçu Boyan Krkiçin qolu ilə görüşün taleyini həll ediblər.

“Roma” - “Mançester Yunayted” - 0:2
Ronaldo, 39, Runi, 66

“Şalke-04” (Almaniya) - “Barselona” (İspaniya) - 0:1
Krkiç, 12

Bu gün daha iki görüş keçiriləcək. Türkiyə çempionu “Fənərbaxça” İstanbulda İngiltərənin “Çelsi” klubunu qəbul edəcək. Digər oyunda İngiltərənin iki klubu – “Arsenal” və “Liverpul” Londonda qarşılaşacaq. Oyunlar Bakı vaxtı ilə saat 23:45-də başlanacaq.

• Fiqurlu konkisürənimiz Qran-pridə 5-ci olub
• Beynəlxalq Olimpiya Komitəsinin rəsmisi Azərbaycana gəlib
• Azərbaycan idmançıları Gimnaziada üçün yola düşdü
• Azərbaycanda Beynəlxalq Xizək Alpinizmi Federasiyasının Plenar Assambleyası keçirilib - FOTO
• AKAF prezidenti və Çad Olimpiya Komitəsinin baş katibi arasında görüş keçirilib