Bakı. Elşən Məmmədov-APA-Sport. Avropa Badminton Federasiyası Azərbaycana texniki və inventar yardımı edəcək. Azərbaycan Badminton Federasiyasının (ABF) baş katibi Mirzə Orucovun “APA-Sport” agentliyinə verdiyi məlumata görə, bu haqda Bakıda səfərdə olan Ümumdünya Badminton Federasiyası (BWF) İdarə Heyətinin üzvü, Avropa Badminton Federasiyasının maliyyə direktoru Horst Kullinqin Azərbaycan Badminton Federasiyasının (ABF) rəhbərliyi ilə görüşündə razılıq əldə edilib. Səfər zamanı özü ilə badminton üçün raketka, valan və torlar gətirən avstriyalı qonaq gələcəkdə orta məktəblərdə də bu idman növünün inkişafına böyük diqqətin göstəriləcəyini bildirib. O, qitə qurumunun hesabına bir azərbaycanlı mütəxəssisin iyulda Polşada keçiriləcək məşqçilər üçün seminarda iştirakını təmin edəcəklərini söyləyib. ABF prezidenti Kamal Abdulla rektoru olduğu Slavyan Universitetinin yaxın vaxtlarda təmirə dayanacağı haqda məlumat verib. O, bildirib ki, təmirə ayrılan 1 milyon manatlıq vəsait hesabına yığmamızın təlim-məşq bazası sayılan universitetin badminton zalı da Avropa standartlarına uyğun yenilənək. K.Abdulla maliyyə yardımına yox, badminton avadanlığına ehtiyac duyduqlarını söyləyib. H.Kullinq ölkəmizi bu gün tərk edəcək.

• Kamandan oxatma üzrə Azərbaycan birinciliyi və çempionatı yekunlaşıb - FOTO
• Natiq Fazilov: “Məqsədimiz MDB Oyunlarında ən azı iki medal qazanmaqdır”
• Anar Quliyev: “Kamandan oxatma üzrə yarışlar gələcəkdə rayonlarda da keçirilə bilər”
• Bakıda Kamandan Oxatma üzrə Ölkə Birinciliyinin final mərhələsi keçirilir - FOTO
• "Təhlükəsiz idman hamı üçün" mövzusunda keçirilən seminara yekun vurulub