Bakı. Laçın Sultanova - APA. Pekində keçiriləcək XXIX Yay Olimpiya Oyunlarının məşəli bu gün Qazaxıstanın Almatı şəhərinə gətirilib. APA-nın məlumatına görə, məşəli ölkə prezidenti Nursultan Nazarbayev qəbul edib. Bundan öncə isə N.Nazarbayev “Medeo” İdman Kompleksinə toplaşmış minlərlə insanı olimpiada məşəlinin ilk dəfə Qazaxıstana gətirilməsi münasibətilə təbrik edib. Dövlət başçısı Qazaxıstanda məşəl estafetində iştirak edən 80 nəfərdən birincisi olub.
Qeyd edək ki, məşəl növbəti günlərdə 5 qitənin 22 şəhərindən keçərək, 135 min kilometr yol qət edəcək və Yay Olimpiya Oyunlarının təşkil olunacağı Pekinə avqustun 6-da çatdırılacaq.

• Kamandan oxatma üzrə Azərbaycan birinciliyi və çempionatı yekunlaşıb - FOTO
• Natiq Fazilov: “Məqsədimiz MDB Oyunlarında ən azı iki medal qazanmaqdır”
• Anar Quliyev: “Kamandan oxatma üzrə yarışlar gələcəkdə rayonlarda da keçirilə bilər”
• Bakıda Kamandan Oxatma üzrə Ölkə Birinciliyinin final mərhələsi keçirilir - FOTO
• "Təhlükəsiz idman hamı üçün" mövzusunda keçirilən seminara yekun vurulub