Bakı. Kənan Həsənov-APA-Sport. Soçi şəhərində şahmat üzrə klublararası Rusiya Premyer Liqası start götürüb. “APA-Sport” agentliyinin məlumatına görə, fərqli komandaların şərəfini qoruyan Azərbaycan qrossmeysterləri ilk görüşlərini heç-heçə başa vurublar. Teymur Rəcəbovun yer aldığı iddialı “Ural” Şəhriyar Məmmədyarovun lideri olduğu “Spasio-Swis” klubu ilə qarşılaşıb. T.Rəcəbovun ukraynalı Ruslan Ponomaryovla, Ş.Məmmədyarovun isə amerikalı Qata Kamski ilə görüşündə qalib müəyyənləşməyib. Milli komandamızın digər üzvü Vüqar Həşimovun çıxış etdiyi “Şatar-Metropol” isə FİNEK klubu ilə qarşılaşıb. Rəqibin lideri, rusiyalı Pyotr Svidlerlə oynayan qrossmeysterimiz heç-heçə etməyi bacarıb.
Qeyd edək ki, 12 komandanın dairəvi sistemlə mübarizə apardığı Premyer Liqa aprelin 14-də başa çatacaq. Reqlamentə əsasən, ilk dörd yeri tutacaq klublar Avropa çempionatında çıxış etmək hüququ qazanacaq.

• Kamandan oxatma üzrə Azərbaycan birinciliyi və çempionatı yekunlaşıb - FOTO
• Natiq Fazilov: “Məqsədimiz MDB Oyunlarında ən azı iki medal qazanmaqdır”
• Anar Quliyev: “Kamandan oxatma üzrə yarışlar gələcəkdə rayonlarda da keçirilə bilər”
• Bakıda Kamandan Oxatma üzrə Ölkə Birinciliyinin final mərhələsi keçirilir - FOTO
• "Təhlükəsiz idman hamı üçün" mövzusunda keçirilən seminara yekun vurulub