Bakı. Aqşin Əliyev-APA-Sport. Rusiyanın Tver şəhərində yeniyetmə cüdoçular arasında beynəlxalq turnir keçiriləcək. Azərbaycan Gənclər və İdman Nazirliyinin mətbuat xidmətindən “APA-Sport” agentliyinə verilən məlumata görə, yarışda ölkəmizi 19 cüdoçu təmsil edəcək. Oğlanların mübarizəsində Həmid Dilbazov, Ceyhun Rufullayev (hər ikisi 50 kq), Rəşad Pəncəli, Vüqar Şirinli (hər ikisi 55 kq), İsmayıl Piriyev, Fəqan Eminoğlu, Nurlan Əliyev (hər ikisi 60 kq), Cəlil Həziyev, Orxan Hacıağalı (hər ikisi 66 kq), Məhəmməd Xuduzadə, Nəsib Əmrahov (hər ikisi 73 kq), Hikmət Alışov, Cəsur Rəcəbli (81 kq), Orxan Səfərov (90 kq) və Elvar Güləhmədzadə (+90 kq) qüvvəsini sınayacaq. Bundan başqa, mükafatlar uğrunda 4 xanım idmançımız - Ülviyyə Vəliyeva (44 kq), Səbinə Allahverdiyeva (52 kq), Elmira Mustafayeva (57 kq) və Xanım Hüseynova (63 kq) güləşəcək. Həmyerlilərimiz aprelin 12-13-də baş tutacaq turnirə məşqçilər Rəşad Həsənovla Rəşad Məmmədovun rəhbərliyi altında hazırlaşacaqlar.

• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub
• İlham Əliyevin doğum gününə həsr olunmuş turnir keçirilib - FOTO