Bakı. Aqşin Əliyev-APA-Sport. Paralimpiyaçılardan ibarət atletika üzrə Azərbaycan milli komandası təlim-məşq toplanışı keçmək üçün Rusiyanın Kislovodsk şəhərinə yollanıb. Azərbaycan Milli Paralimpiya Komitəsinin mətbuat xidmətinin rəhbəri İlham Təhməzovun “APA-Sport” agentliyinə verdiyi məlumata görə, hazırlıq prosesində atletikanın uzununa tullanma və qaçış növləri üzrə idmançılar iştirak edəcəklər. Təlim-məşq toplanışı bu ilin sentyabrında Çinin paytaxtı Pekində baş tutacaq XIII Yay Paralimpiya Oyunlarına hazırlıq xarakteri daşıyacaq. Atletlər baş məşqçi Sergey Təhməzov və məşqçi Məhərrəm Soltanzadənin rəhbərliyi altında aprelin 28-dək Kislovodskda hazırlaşacaqlar.
Qeyd edək ki, qarşıdakı paralimpiadada 7 atletimiz mübarizə aparacaq.

• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"
• Yenilənmiş Olimpiya medalları idmançılarımıza təqdim edilib
• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar