Bakı. Elşən Məmmədov-APA-Sport. Finlandiyanın Tampere şəhərində başa çatan Avropa çempionatında 7 medal qazanan Azərbaycan güləşçiləri mükafatlandırılacaqlar. “APA-Sport” agentliyinin məlumatına görə, Güləş Federasiyasının prezidenti, vergilər naziri Fazil Məmmədov qitə birinciliyində mübarizə aparmış pəhləvanlarımızla sabah görüş keçirəcək. Federasiyanın digər rəsmilərinin və yığma komandalarımızın məşqçilər heyətinin də qatılacağı tədbirdə idmançılarımızın çıxışları dəyərləndiriləcək. Görüşdə, həmçinin güləşçilərimizə mükafatlar təqdim ediləcək.
Qeyd edək ki, sərbəst, yunan-Roma və qadın güləşi üzrə qitə birinciliyində Rövşən Bayramov və Mariya Stadnik qızıl, Elvira Mürsəlova gümüş, Emin Əzizov, Çamsulvara Çamsulvarayev, Novruz Temrezov və Əli İsayev isə bürünc medala sahib çıxıb.

• Bakıda sumo əfsanəsi ilə görüş keçirilib - FOTO
• Federasiya Kuboku yarışının qalibləri müəyyənləşib
• Mingəçevirdə “Kürü keçək?!“ açıq suda üzmə yarışı başa çatıb - FOTO
• Zaur Əliyev: “Kürü keçək?!” yarışını gələcəkdə beynəlxalq səviyyədə təşkil etmək niyyətindəyik”
• Kamandan oxatma üzrə Azərbaycan birinciliyi və çempionatı yekunlaşıb - FOTO