Bakı. Kənan Həsənov-APA-Sport. Azərbaycan qılıncoynadanları İtaliyanın Kataniya şəhərində keçirilən gənclər arasında dünya çempionatında uğursuz çıxış edirlər. “APA-Sport” agentliyinin məlumatına görə, bu gün mübarizəyə qoşulan sablyaçı qızlarımız fəxri kürsüyə yüksələ bilməyiblər. Qrupda keçirdiyi altı görüşün yalnız birində qalib gələn Sevinc Bünyatova 80 idmançı arasında 68-ci yeri tutub. 1/32 finala yüksələn Aidə Ələsgərova tunisli Azza Bəsbəsə 6:15 hesabı ilə uduzaraq yarışı 53-cü pillədə başa vurub. Bu mərhələdə qazaxıstanlı Yuliya Jivitsaya məğlub olan (8:15) Sevil Bünyatova 39-cu olub. Yarışın birinci günündə isə Yusif Budaqov 54-cü yeri tutub. Çempionatda, həmçinin Elmira Xudaverdiyeva, Namiq Ağakərimov və Murad Əliyev çıxış edəcək.

• İlham Əliyevin doğum gününə həsr olunmuş turnir keçirilib - FOTO
• Qılıncoynatma üzrə Azərbaycan birinciliyində ilk mükafatçılar müəyyənləşib
• Fərid Qayıbov: “Yarışın əsas məqsədi idmanın kütləviliyinə nail olmaqdır”
• "Üzgüçülük hamı üçün" turnirinin açılış mərasimi keçirilib
• ACES Europe prezidenti: “Bakı dünyanın ən vacib şəhərlərindən biridir”