Bakı. Vüqar Xeyrullayev - APA-Sport. İtaliyanın paytaxtı Romada keçirilən kişi və qadınlar arasında taekvondo üzrə Avropa çempionatı davam edir. “APA-Sport” agentliyinin məlumatına görə, yarışın üçüncü günündə daha dörd Azərbaycan taekvondoçusu mübarizəyə qatılıb. Niyaməddin Paşayev (72 kq) ilk görüşdə Çernoqoroya təmsilçisi Martin Lyuldyuraja qalib gəlsə də, Böyük britaniyalı Davud Etninani ilə qarşılaşmadan məğlub ayrılıb. Vüqar Məcidov (+84 kq) sonda turnirin qalibi olan yunanıstanlı Aleksandros Nikolaidisə məğlub olaraq, mübarizəni ilk görüşdə dayandırmalı olub. Qadınların yarışındakı təmsilçimiz də qitə çempionuna uduzub. Nigar Hacıyeva (55 kq) ilk görüşdə almaniyalı Sabrina Qrimmə qalib gəlməyi bacarsa da, türkiyəli Kübra Haticə Yangın qarşısında aciz qalıb. Səbinə Mikayılova (59 kq) isə İspaniya taekvondoçusu Estefania Qarsia Ernandesə uduzaraq, yarışı mükafatsız bitirib. Qeyd edək ki, çempionatın ilk günündə 58 kq çəkidə çıxış edən Elnur Amanov birinci yeri tutub. Bu gün İlkin Şahbazov (67 kq), Elvin Məmmədov (78 kq) və Günay Ağakişiyeva (63 kq) tatami üzərinə çıxacaqlar.

• Azərbaycanın buzüstü rəqs cütlüyü dünya çempionatına vəsiqə qazanıb
• İmaməddin Xəlilov Özbəkistanda keçirilən beynəlxalq festivalda çıxış edib
• Azərbaycanın fiqurlu konkisürəni ilk dəfə Avropa çempionatında iştirak edəcək
• ARMPK nümayəndə heyəti Özbəkistan Paralimpiya Komitəsinin qonağı olub - FOTO
• Prezident İslamiadada yüksək nəticə göstərmiş idmançıların mükafatlandırılmasına 1,9 milyon manat ayırıb