Bakı. Kənan Həsənov – APA-Sport. Bakıda təşkil olunan şahmat üzrə Qran-Pri turnirində üçüncü turun oyunları başlayıb. “APA-Sport” agentliyinin məlumatına görə, hesabat turunda milli komandamızın lideri Teymur Rəcəbov çinli Van Yuenin müqavimətini qıra bilməyib. Ağ fiqurlarla oynayan qrossmeysterimiz 37-ci gedişdə heç-heçə ilə kifayətlənib. Bu nəticədən sonra xallarının sayını 2-yə çatdıran T.Rəcəbov liderlər qrupunda qərarlaşıb. Yığmamızın digər üzvü Şəhriyar Məmmədyarov isə amerikalı Qata Kamski ilə heç-heçə oynayıb. Ağ fiqurlarla oynayan beynəlxalq qrossmeysterimiz 54-cü gedişdə xal bölgüsünə razı olub. Xallarının sayını 1-ə çatdıran və autsayderlər qrupunda qərarlaşan Ş.Məmmədyarov hələ də qələbə üzünə həsrətdir.

• AKAF prezidenti və Çad Olimpiya Komitəsinin baş katibi arasında görüş keçirilib
• BOK rəsmisi Bakıya gələcək
• Əməkdar məşqçi vəfat edib
• Azərbaycan təmsilçisi Qazaxıstanda “gümüş” qazandı
• AMADA Azərbaycan Ağırlıqqaldırma Federasiyası üçün seminar təşkil edib