Bakı. Kənan Həsənov – APA-Sport. Bakıda təşkil olunan şahmat üzrə Qran-Pri turnirində üçüncü turun oyunları başa çatıb. “APA-Sport” agentliyinin məlumatına görə, 162000 avro mükafat fondu olan bu nüfuzlu yarışda çıxış edən təmsilçilərimizdən yalnız Vüqar Həşimov qələbə qazanmağı bacarıb. Qrossmeysterimiz rusiyalı Pyotr Svidleri məğlub edib. Milli komandamızın lideri Teymur Rəcəbov çinli Van Yue, Şəhriyar Məmmədyarov isə amerikalı Qata Kamski ilə heç-heçə oynayıb. Hesabat turu çərçivəsində keçirilən digər görüşlərdə Sergey Karyakin (Ukrayna) Maykl Adamsa (İngiltərə), Maqnus Karlsen (Norveç) Ernesto İnarkiyevə (Rusiya), Aleksandr Qrişuk (Rusiya) David Navaraya (Çexiya), Etyen Bakro (Fransa) isə İvan Çeparinova (Bolqarıstan) qalib gəlib. Üç oyundan sonra turnir cədvəlinə 2,5 xalla A.Qrişuk başçılıq edir. Lideri hərəyə 2 xal toplayan T.Rəcəbov, V.Həşimov, Q.Kamski, M.Karlsen və S.Karyakin izləyir. Hesabında 1 xal olan və hələ də qələbə qazana bilməyən Ş.Məmmədyarov autsayderlər qrupunda qərarlaşıb.
Bu gün 4-cü tur çərçivəsində daha 7 oyun keçiriləcək: Q.Kamski – A.Qrişuk, E.Bakro – S.Karyakin, P.Svidler – T.Rəcəbov, Ş.Məmmədyarov – M.Karlsen, E.İnarkiyev – V.Həşimov, M.Adams – D.Navara, V.Yue – İ.Çeparinov.

• Azərbaycanda Beynəlxalq Xizək Alpinizmi Federasiyasının Plenar Assambleyası keçirilib - FOTO
• AKAF prezidenti və Çad Olimpiya Komitəsinin baş katibi arasında görüş keçirilib
• BOK rəsmisi Bakıya gələcək
• Əməkdar məşqçi vəfat edib
• Azərbaycan təmsilçisi Qazaxıstanda “gümüş” qazandı