Barselona. Elşən Məmmədov-APA-Sport. UEFA Çempionlar Liqasının ilk yarımfinal görüşlərinə yekun vurulub. “APA-Sport” agentliyinin məlumatına görə, ikinci oyun günündə “Barselona” “Mançester Yunayted”i qəbul edib. İngiltərənin “Liverpul” və “Arsenal” komandaları arasındakı (1:1) digər yarımfinal matçında olduğu kimi, bu qarşılaşma da heç-heçə ilə nəticələnib. Amma 3-cü dəqiqədə “Mançester Yunayted”in portuqaliyalı futbolçusu Kriştiano Ronaldo penaltini dəqiq yerinə yetirsəydi, hesab başqa cür də ola bilərdi. Lakin K.Ronaldonun zərbəsi qapı tirinə tuş gəlib. Qalan dəqiqələrdə qarşılıqlı hücumlar şəraitində keçən oyunda qol vurulmayıb - 0:0.

“Barselona” (İspaniya) – “Mançester Yunayted” (İngiltərə) – 0:0

Yarımfinal mərhələsinin cavab oyunları aprelin 29-da və 30-da keçiriləcək.

• Güllə atıcılığı üzrə Azərbaycan birinciliyinin qalibləri müəyyənləşib
• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub