Bakı. Aqşin Əliyev - APA-Sport. Beynəlxalq Paralimpiya Komitəsi Pekində keçiriləcək Yay Paralimpiya Oyunlarında iştirak etmək üçün Azərbaycanın daha üç idmançısına lisenziya verib. Bu haqda “APA-Sport” agentliyinə məlumat verən Milli Paralimpiya Komitəsinin (MPK) vitse-prezidenti Ziyadxan Kərimovun sözlərinə görə, pauerliftinçilər Elşən Hüseynov (90 kq), Mehman Ramazanzadə (100 kq) və Məhərrəm Əliyev (+100 kq) də paralimpiadaya qatılacaqlar. Adıçəkilən idmançılar lisenziya xallarına malik pauerliftinçilərin reytinq cədvəlində ilk “onluğ”unda yer aldıqlarından qarşıdakı mötəbər yarışa vəsiqə qazanıblar. Bununla da, Pekin paralimpiadasına qazanılan lisenziyaların sayı 18-ə çatıb. Öncə ölkəmizin cüdo (7 lisenziya), atletika (7) və güllə atıcılığı (1) növlərində təmsil olunacağı məlum idi. Z.Kərimov vurğulayıb ki, yaxın zamanlarda lisenziyaların sayında artım ola bilər: “Kamandan oxatma, atletika və güllə atıcılığı növlərində “wild-card” almaq üçün Beynəlxalq Paralimpiya Komitəsinə müraciət ünvanlamışıq. Azərbaycana əlavə 3 yerin ayrılıb-ayrılmayacağını mayın əvvəlində bilinəcək”.
Qeyd edək ki, dörd il öncə keçirilmiş Afina paralimpiadasında ölkəmizin şərəfini 11 idmançı qoruyub.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib