Tbilisi. Elşən Məmmədov-APA-Sport. Gürcüstanın paytaxtı Tiflisdə Avropa Sambo Federasiyasının (ESF) hesabat-seçki konqresi keçirilib. Toplantıda Azərbaycanı təmsil edən Sambo Federasiyasının prezidenti Ceyhun Məmmədov yenidən ESF-in İcraiyyə Komitəsinin üzvü seçilib. Bu haqda “APA-Sport” agentliyinə C.Məmmədovun özü məlumat verib. 7 qat dünya çempionunun sözlərinə görə, səsvermə hüququna malik 28 nəfər yekdilliklə onun namizədliyini dəstəkləyib. O, ESF İcraiyyə Komitəsinin 13 üzvündən biri olacaq.
Rusiya Sambo Federasiyasının prezidenti Sergey Yeliseyev isə yenidən ESF-in prezidenti seçilib. Bu, S.Yeliseyevlə mübarizə aparan Çexiya və Yunanıstan Sambo federasiyalarının başçıları Pavel Qrodnovla İliadis Merambinin namizədliklərini geri götürmələrindən sonra baş verib.
Qeyd edək ki, S.Yeliseyev həm də Beynəlxalq Həvəskar Sambo Federasiyasının (FİAS) vitse-prezidenti, C.Məmmədov isə FİAS İcraiyyə Komitəsinin üzvüdür.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib