Bakı. Aqşin Əliyev - APA-Sport. İordaniyanın taekvondo üzrə gənclərdən ibarət yığması Quba Olimpiya Kompleksində təlim-məşq toplanışında olub. Bu barədə “APA-Sport” agentliyinə Azərbaycan Taekvondo Federasiyasının meneceri Nağı Səfərov məlumat verib. Onun sözlərinə görə, iordaniyalı taekvondoçular Türkiyənin İzmir şəhərində keçiriləcək dünya çempionatına azərbaycanlı həmkarları ilə birgə hazırlaşıblar: “Azərbaycan və İordaniya milli komandaları birgə hazırlıq prosesi keçdilər. Bu gün isə qonaqlar dünya çempionatında iştirak etmək məqsədilə Türkiyəyə yollandılar”. N.Səfərov bildirib ki, İordaniyanın dünya çempionatına Qubada hazırlaşması təsadüfi sayılmamalıdır. Belə ki, az öncə İordaniya şahzadəsi Əl-Həsən bin Təvalın ölkəmizə səfəri zamanı qarşılıqlı təlim-məşq toplanışlarının təşkilinə dair Azərbaycan Taekvondo Federasiyası rəhbərliyi ilə razılıq əldə olunub. Gələcəkdə yığmamızın İordaniyada hazırlaşması nəzərdə tutulub.

• “Masters” velosipedçilər ilk dəfə Azərbaycan çempionatında yarışacaq
• Milli Olimpiya Komitəsinin nümayəndə heyəti AOK-un 55-ci Baş Assambleyasında iştirak edir
• Azərbaycan Ruandaya badminton avadanlıqları göndərib
• Məktəblilərin Respublika İdman Olimpiadasına start verilir
• Azərbaycanın trek velosipedi millisi beynəlxalq yarışlarda mübarizə aparacaq