Bakı. Elşən Məmmədov-APA-Sport. Yunanıstanın paytaxtı Afinada keçiriləcək başlayacaq Beynəlxalq Olimpiya Komitəsinin (İOC) İcraiyyə Komitəsinin iclasında öncə qurumun texniki komissiyasının 2016-cı il Yay Olimpiya və Paralimpiya Oyunlarına namizədliyini irəli sürən şəhərlərin potensialları haqda qərarı açıqlanacaq. Bu barədə “APA-Sport” agentliyinə Milli Olimpiya Komitəsinin vitse-prezidenti Çingiz Hüseynzadə məlumat verib. Onun sözlərinə görə, texniki komissiyanın hesabatları müstəqil şəkildə iddiaçı şəhərlərin sifariş kitabları və digər mənbələrdən toplanan məlumatlar əsasında hazırlanacaq. Bundan sonra İOC-un İcraiyyə Komitəsi ikinci mərhələyə neçə şəhərin buraxılması haqda qərar qəbul edəcək. Həmin şəhərlərin adları isə texniki komissiyanın rəyinə əsasən, İcraiyyə Komitəsinin üzvləri arasında keçiriləcək səsvermə nəticəsində müəyyənləşəcək.
Qeyd edək ki, İOC-un İcraiyyə Komitəsinin iclası iyunun 4-5 baş tutacaq. 2016-cı il olimpiadasını təşkil etməyə Bakı ilə yanaşı, Praqa (Çexiya), Madrid (İspaniya), Doha (Qətər), Tokio (Yaponiya), Çikaqo (ABŞ) və Rio-de-Janeyro (Braziliya) şəhərləri də namizəddir.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib