Bakı. Aqşin Əliyev - APA-Sport. Futzal üzrə XIV Azərbaycan kuboku uğrunda yarışın qrup mərhələsində ikinci tura start verilib. “APA-Sport” agentliyinin məlumatına görə, ilk oyun günündə B qrupunda yer alan komandalar meydançaya çıxıblar. Turnirin favoriti “Araz” çətinlik çəkmədən növbəti qələbəsini rəsmiləşdirib. Dördqat ölkə çempionu və üç dəfə kubokun qalibi olan Naxçıvan təmsilçisi həvəskarlardan ibarət “Olimp”i 10:3 hesabı ilə məğlub edərək, vaxtından qabaq yarımfinala yüksəlib. Bu qrupun digər matçında “Sumqayıt” “İnteqral”a böyük hesabla qalib gəlib - 15:3. Bu gün A qrupu çərçivəsində “Qarabağ veteranları” “Karasu”, TT isə “Ekol”la qüvvəsini sınayacaq.
Sonuncu turda “İnteqral”la qarşılaşacaq “Araz” istənilən halda, mübarizəni davam etdirəcək. B qrupundan yarımfinala çıxacaq ikinci kollektivin adı isə “Sumqayıt” - “Olimp” görüşü zamanı müəyyənləşəcək. Qrup mərhələsinə mayın 22-də yekun vurulacaq. Kubokun final matçı isə mayın 29-na təyin olunub.

B qrupu

	Klub	o	q	h	m	t	x
1	Araz	2	2	0	0	13-5	6
2	Sumqayıt	2	1	0	1	17-6	3
3	Olimp	2	1	0	1	13-11	3
4	İnteqral	2	0	0	2	4-25	0

• Azərbaycanda Beynəlxalq Xizək Alpinizmi Federasiyasının Plenar Assambleyası keçirilib - FOTO
• AKAF prezidenti və Çad Olimpiya Komitəsinin baş katibi arasında görüş keçirilib
• BOK rəsmisi Bakıya gələcək
• Əməkdar məşqçi vəfat edib
• Azərbaycan təmsilçisi Qazaxıstanda “gümüş” qazandı