Azərbaycan basketbol yığması Avropa çempionu olub

23.06.2008 - 10:34

Yarımfinalda Şotlandiyanı 91:80 hesabı ilə məğlub edən komandamız həlledici matçda möcüzəyə imza atıb. Belə ki, yığmamız Moldova ilə final görüşündə 10 xal fərqi ilə geri düşsə də, son saniyələrdə 80:78 hesabı ilə qələbəni rəsmiləşdirib. Bu görüşdə komandamızın kapitanı Tahir Baxşıyev 25 xalla ən məhsuldar basketbolçu olub. Qitə birinciliyinin bürünc medalını Andorranı 90:76 hesabı ilə məğlub edən Şotlandiya qazanıb.
Qeyd edək ki, litvalı olimpiya çempionu Rimas Kurtinaytisin dövründə milli komandamız analoji yarışda 2004-cü ildə 4-cü, 2006-cı ildə 1-ci yeri tutub.