Bakı. Mehman Süleymanov - APA-Sport. Avropa Futbol Federasiyaları Assosiasiyası (UEFA) Türkiyə yığmasının müraciətini müsbət cavablamayıb. “APA-Sport” agentliyinin məlumatına görə, UEFA heyətlə bağlı ciddi problemləri olan türkiyəlilərin Almaniya ilə iyunun 25-də keçiriləcək yarımfinal görüşünə yeni futbolçular sifariş etməsinə icazə verməyib. Bununla bağlı UEFA rəsmisi Vilyam Qayar Avstriyanın paytaxtı Vyanada keçirilən mətbuat konfransında bəyan edib: “İştirak ərizələrinə yeni futbolçuların adlarının daxil edilməsi yalnız turnirdə ilk oyunadək mümkündür. Biz qaydaları dəyişmək niyyətində deyilik”. UEFA-nın güzəşt etməməyi Türkiyə yığmasını çətin vəziyyətdə qoyub. Belə ki, milli komandanın baş məşqçisi Fatih Terim almanlarla görüşdə sərəncamımda ikisi qapıçı olmaqla, 15 futbolçu qalıb. Volkan Dəmirəl, Əmrə Aşık, Arda Turan, Tuncay Şanlı cəza, Sərvət Çətin, Əmrə Güngör, Tümər Mətin, Nihat Kahveçi zədə səbəbindən yarımfinalda meydana çıxmayacaq. Türkiyə yığmasının əsas kapitanı Əmrə Belozoğlu isə zədəsini sağaldıb və fiziki hazırlığı normal olarsa, meydana çıxacağı gözlənilir.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək