Bakı. Vüqar Xeyrullayev - APA-Sport. Rusiya futbol yığması XIII Avropa çempionatının startınadək İspaniya milli komandasının qapısına qol vura bilməmişdi. “APA-Sport” agentliyinin məlumatına görə, Avstriya və İsveçrədə keçirilən qitə birinciliyinin yarımfinalında görüşəcək Rusiya və İspaniya komandaları indiyədək 4 dəfə üz-üzə gəlib. 2004 və 2008-ci il Avropa çempionatlarının final mərhələsinin qrup oyununda qarşılaşan komandalar ilk dəfə pley-offda münasibətlərini aydınlaşdıracaq. Dörd il əvvəl 1:0 hesabı ilə qalib gələn ispaniyalılar bu dəfə də rəqibini üstələyə bilmişdi - 4:1. Bu qarşılaşmada Roman Pavlyuçenkonun vurduğu qol Rusiya yığmasının tarixinə ispaniyalıların qapısına vurulan ilk top kimi düşüb. Belə ki, bu turnirə qədər keçirilən digər iki matçda da şimallılar rəqib qapısına yol tapmayıb. Baş tutan yoldaşlıq görüşlərindən biri 0:0, digəri isə 1:0 hesabı ilə başa çatıb. Rusiya ilə 4 matçın 3-də qalib gələn pireneylilər top fərqində də üstündür – 6:1.

• Azərbaycan idmançıları Gimnaziada üçün yola düşdü
• Azərbaycanda Beynəlxalq Xizək Alpinizmi Federasiyasının Plenar Assambleyası keçirilib - FOTO
• AKAF prezidenti və Çad Olimpiya Komitəsinin baş katibi arasında görüş keçirilib
• BOK rəsmisi Bakıya gələcək
• Əməkdar məşqçi vəfat edib