Bakı. Aqşin Əliyev - APA-Sport. Azərbaycanın 21 yaşadək oğlanlardan ibarət otüstü hokkey üzrə milli komandası (U-21) Ukraynanın Vinnitsa şəhərində keçirilən təlim-məşq toplanışını başa vurub. “APA-Sport” agentliyinin məlumatına görə, hokkeyçilərimiz hazırlıq prosesi çərçivəsində ukraynalı həmyaşıdları ilə 3 yoldaşlıq görüşündə qüvvəsini sınayıb. İlk oyunda 3:7 hesabı ilə məğlub olan yığmamız növbəti matçda minimal fərqli qələbə qazanıb - 5:4. Üçüncü qarşılaşmada isə tərəflər hərəyə 3 qol vuraraq, heç-heçəyə razılaşıblar. U-21 Avropa çempionatına hazırlığı Belarusda davam etdirəcək. Bu məqsədlə milli komandamız bu gün Vinnitsadan Minskə yollanacaq. Yığmamız burada meydan sahibləri, Ukrayna və Rusiyanın iştirak edəcəyi beynəlxalq turnirə qatılacaq. 21 yaşadək qızlardan ibarət milli komandamız isə 27 iyun – 2 iyun aralığında Vinnitsada təlim-məşq toplanışında olacaq.

• Bakıda “Qələbə qaçışı”: Qaliblər müəyyənləşdi
• Bakıda “Qələbə qaçışı” keçiriləcək: Toplanan vəsait “YAŞAT”a veriləcək
• Azərbaycan Beynəlxalq yarışlar seriyasına ev sahibliyi edəcək
• Bakıda keçiriləcək "Qələbə qaçışı"na rekord sayda iştirakçı qatılacaq
• Zəngilan rayonunda 8 Noyabr – Zəfər Gününə həsr olunmuş veloyürüş keçirilib