Bakı. Elşən Məmmədov – APA-Sport. Almaniya milli komandasının futbolçuları Avropa çempionatının finalına çıxdıqları üçün rekord məbləğdə mükafat alacaqlar. «APA-Sport» agentliyinin məlumatına görə, Bundestimin hər bir oyunçusuna Almaniya Futbol Federasiyası tərəfindən 150 min avro veriləcək. İyunun 29-da keçiriləcək final matçında Almaniya millisi İspaniya yığması üzərində qələbə qazanaraq, tarixində dördündü dəfə Avropa çempionu olacağı təqdirdə, bu məbləğ 250 min avroya çatdırılacaq. 2006-cı il dünya çempionatında bürünc medal qazanan almaniyalı futbolçuların hər birinə 100 min avro verilmişdi. Artıq Almaniya Futbol Federasiyası (DFB) Avropa çempionatında çıxışları müqabilində UEFA-dan 19 milyon avro qazanıb. Almaniyalılar turnirin qalibi olarlarsa, DFB-nin qazancı 22 milyon avroya yüksələcək.
Qeyd edək ki, qitə birinciliyinin yarımfinalında Bundestim Türkiyə yığmasını məğlub edib – 3:2.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib