Bakı. Aqşin Əliyev - APA-Sport. Azərbaycanı UEFA kubokunda təmsil edəcək “Araz” Rusiyanın “Dina” klubunun futzalçısını baxışa çağırıb. “APA-Sport” agentliyinin məlumatına görə, bu, 28 yaşlı universal oyunçu Sergey Sizovdur. Rusiyalı futzalçı 2007-ci ilin iyulundan Moskva təmsilçisində çıxış edir. Ötən mövsüm Rusiya çempionatında 16 matça çıxan S.Sizov 4 qola imza atıb. “Araz”ın məşqçi korpusu S.Sizovla yanaşı, “Norilski nikel” klubundan iki oyunçunu sınaqdan keçirir. Həmçinin, Ukraynadan da adları açıqlanmayan iki futzalçı hazırda Naxçıvan komandasının düşərgəsində baxışdadır. Baş məşqçi Böyükağa Hacıyev baxışa çağırılanları bəyənəcəyi təqdirdə, həmin futzalçılarla müqavilə bağlanılacaq.

• Bakı-Xankəndi Velosiped Yarışının mükafat fondu bəlli oldu
• Sahib Ələkbərov: “Bakı–Xankəndi veloyarışı yeni reallıqların göstəricisidir”
• Bakı-Xankəndi Azərbaycan Velosiped Yarışı starta hazırdır
• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq